Інтэрактыўная гульня "Ствары свет у сабе"
Інтэрактыўная гульня "Ствары свет у сабе". Мерапрыемства пачалося з прытчы "Усё ў тваіх руках": Адзін вучань захацеў выглядаць у вачах сваіх сяброў разумнейшым ад настаўніка. Ён злавіў матылька і сказаў : "Глядзіце, зараз я спытаю ў настаўніка: жывое ў мяне, ці мёртвае? Калі настаўнік скажа :"Мёртвае", я раскрыю рукі і матылёк паляціць. Калі настаўнік скажа:"Жывое", я сцісну далоні і матылёк стане мёртвым. Такім чынам, настаўнік не зможа даць правільны адказ. Але, калі вучань падышоў са сваім пытаннем, настаўнік уважліва паглядзеў на яго і сказаў: "Усё ў тваіх руках". Вось так і наша жыццё - усё ў нашых руках. Усё залежыць ад нас саміх. Усё залежыць ад таго, якога ваўка мы у сабе кормім. А вось гэта ужо другая прытча - прытча аб двух ваўках, якія жывуць унутры нас і пастаянна змагаюцца.
