Экскурсія ў Астрыно "Да суседзяў"
23 лютага 2019 года навучэнцы 4-10 класаў пабывалі ў гасцях у Цёткі (Алаізы Пашкевіч) з канцэртнай праграмай у рамках акцыі “За любімую Беларусь”: наведалі музей Цеткі ў Астрынскай СШ, дзе сама Алаіза Пашкевіч, ролю якой выконвала вучаніца 11 класа Разуева Дар’я, разам з дырэктарам школы Бадылеўскім Сяргеем Сяргеевічам, намеснікам дырэктара па выхаваўчай рабоце Матусевіч Святланай Канстанцінаўнай прыветна сустрэлі нас і правялі цікавую і змястоўную экскурсію па школе. Тэатралізаванае прадстаўленне і экскурсія па музеі, якую арганізавалі навучэнцы 11 класа, захапіла ўсіх: і дзяцей, і настаўнікаў. Таксама мы наведалі валанцёрскі рэсурсны цэнтр установы адукацыі. А затым адбыўся канцэрт, прысвечаны 75-годдзю вызвалення Беларусі ад нямецка-фашысцкіх захопнікаў. Маленькіх артыстаў гарачымі апладысментамі сустракала поўная зала гледачоў. Артыстам і гасцям былі ўручаны падарункі. Напрыканцы сустрэчы мы запрасілі дзяцей і настаўнікаў да сябе ў госці.
