Адкрыты дыялог "Сувязь пакаленняў"
24 кастрычніка ў пярвічнай арганізацыі НПК Забалацкія яслі-сад - средняя школа ГА "БРСМ" адбыўся адкрыты дыялог "Сувязь пакаленняў" да 100-годдзя УЛКСМ у рамках праекта "Сустрэчы на ўсе 100".
29 кастрычніка 2018 года спаўняецца сто гадоў з моманту стварэння УЛКСМ - самай масавай моладзевай арганізацыі ХХ стагоддзя. Камсамол (Усесаюзны Ленінскі камуністычны саюз моладзі, УЛКСМ) — моладзевая арганізацыя ў Савецкім Саюзе, якая існавала з 1918 па 1991 год.
Камсамол унёс значны ўклад у развіццё маладзевага руху ў нашай краіне, у фарміраванне патрыятызму, сацыяльна адказных паводзінаў, грамадзянскай і палітычнай актыўнасці ў савецкіх грамадзян.
Арганізацыя мела каласальны ўплыў ва ўсіх сферах жыцця: прамысловасці і эканоміцы, адукацыі і навуцы, культуры і мастацтве, спорце, арганізацыі вольнага часу.
Аб дзейнасці Усесаюзнага Ленінскага Камуністычнага саюза моладзі вучням 9-11 класаў расказала ветэран Камсамольскага руху, ветэран працы, старшыня Воранаўскага раённага Савета ветэранаў Нэлі Казіміраўна Пушнянкова. А таксама Нэлі Казіміраўна арганізавала для вучняў выставу камсамольскіх значкоў, грамат, фотаальбомаў.
Гісторыя камсамола-жывы і гарачы дакумент. Перагортваючы яго старонкі, мы адчуваем дыханне эпохі, бачым непаўторную сувязь часоў і пакаленняў.
Правапераемнікам камсамола Беларусі з'яўляецца грамадскае аб'яднанне "Беларускі рэспубліканскі саюз моладзі". Самая масавая моладзевая арганізацыя Рэспублікі Беларусь сучаснасці.
Аб дзейнасці раённай арганізацыі БРСМ і аб новым маладзёжным білеце прысутным расказала першы сакратар Воранаўскага раённага камітэта ГА "БРСМ" Наталля Антонаўна Мяцеліца.
ФОТАСПРАВАЗДАЧА
