Акцыя "Чысты лес"
20 кастрычніка 2018 года піянеры дружыны імя Юрыя Смірнова ГА "БРПА" і актывісты пярвічкі школы ГА "БРСМ" прынялі ўдзел ў агульнарэспубліканскай добраахвотнай акцыі "Чысты лес". Актывісты грамадскіх аб'яднанняў школы ачысцілі ад смецця бліжэйшы да школы лясны масіў.
Акцыя праводзілася на базе ДЛГУ "Лідскі лясгас" з мэтай прапаганды сярод насельніцтва беражлівых адносін да аднаго з галоўных прыродных рэсурсаў краіны - лесе - шляхам прыцягнення грамадскасці да правядзення сумесных экалагічных акцый па добраўпарадкаванні ляснога фонду.
Дадзеная акцыя прымеркавана да Года малой радзімы. На працягу дня па ўсёй краіне рукамі неабыякавых беларусаў прыведзены ў парадак несанкцыянаваныя звалкі, будаўнічыя і бытавыя адходы ў лясах,
праведзены работы па добраўпарадкаванні тэрыторый, якія прымыкаюць да аўтамабільных і чыгуначных дарог, вакол населеных пунктаў, садаводчых таварыстваў і дачных кааператываў. Пры гэтым падчас цяперашняй акцыі асаблівы акцэнт будзе зроблены на ўборку тэрыторый, прылеглых да мемарыяльных комплексаў і памятных месц.
