Збор дружыны "Піянерыя збірае сяброў"
10 верасня ў піянерскіх дружынах Воранаўскага раёна стартаваў тэматычны Тыдзень «Піянерыя збірае сяброў!», прысвечаны Дню нараджэння БРПА. У піянерскай дружыне імя Юрыя Смірнова адбыўся збор-старт «Піянерыя збірае сяброў». Вядучыя збора Юля Лышчык і Жэня Комар звярнулі ўвагу піянераў на старонкі гісторыі піянерскай арганізацыі, аб утварэнні БРПА, як дзейнічае новая Піянерыя.
Пасля піянеры заслухалі справаздачу работы дружыны за 2017-2018 н.г., пазнаёміліся з планом работы на 2018-2019 н.г., а таксама піянеры выбралі новага лідара дружыны імя Юрыя Смірнова – выдатніцу, актывістку і артыстку школы Краеўскую Вікторыю.
Педагог-арганізатар павіншавала піянераў с Днём нараджэння БРПА, пазнаёміла з планам правядзення тэматычнага Тыдня, аб'явіла Падзяку Святловічу Аляксандру за плённую працу ў званні лідара дружыны, а новаму лідару пажадала поспехаў і творчага запалу ў нялёгкай справе.
