Міжнародны дзень роднай мовы
21 лютага педагогі, вучні і тэхработнікі Забалацкай сярэдняй школы імя Я. Н. Карпянкова прынялі ўдзел у напісанні абласнога дыктанта, прысвечанага Міжнароднаму дню роднай мовы.
У рамках Тыдня беларускай мовы ў гэты ж дзень з вучнямі 5 класа была праведзена экскурсія "Смак роднай мовы", падчас якой у этнаграфічным музеі навучэнцы пазнаёміліся з цікавымі назвамі рэчаў і прыладаў працы, якімі калісьці карысталіся нашы продкі.
Дзесяцікласнікі актыўна ўдзельнічалі ў правядзенні вуснага часопіса"Не пакідайце ж мовы сваёй...". Юнакі і дзяўчаты з задавальненнем дэкламавалі і інсцэніравалі вершы беларускіх паэтаў.
Навучэнцы 11 класа прынялі ўдзел у чэленджы "Дзень роднай мовы".
Эмблемай Міжнароднага дня роднай мовы ў нашай школе стаў сіні васілёк як сімвал блакітнавокай Беларусі.
