Савет РАА на базе ўстановы адукацыі
29.04.2023 на базе ДУА «Забалацкая сярэдняя школа імя Я.Н.Карпянкова» прайшоў раённы савет аддзела адукацыі Воранаўскага райвыканкама.
Цёпла сустракалі гасцей навучэнцы школы з пышным караваем і прывітальным танцам. ДУА «Забалацкая сярэдняя школа імя Я.Н.Карпянкова» прадставіла асноўны накінунак працы – краязнаўча-этнаграфічны.
На працягу 2005-2009 гг. ўстанова адукацыі мела статус этнашколы-сада. Школа ўдзельнічала ў інавацыйным праекце “Этнашкола Панямоння”, былі распрацаваны вучэбныя праграмы па далучэнні навучэнцаў да культуры роднага краю. За гэты час сабрана шмат краязнаўчага матэрыялу, які выкарыстоўваецца ў адукацыйным працэсе. Нягледзячы на тое, што зараз назва школы змянілася, традыцыі і дух этнашколы засталіся, работа ў гэтым накірунку працягваецца.
У 2021 годзе была складзена Праграма работы ўстановы адукацыі ў этнакультурным накірунку “Ганарымся мінулым, цэнім сучаснае і працуем для будучага”, якая разлічана на 3 гады (2021-2024). У 2021/2022 навучальным годзе школа працавала ў праекце “#МЫнашчадкі”. Напрамкі работы ў праекце - аздабленне ўстановы адукацыі ў этнастылі, знаёмства з традыцыямі і звычаямі, народнымі святамі і абрадамі.
Дырэктар установы адукацыі Юшэвіч Надзея Іванаўна ў час экскурсіі па школе расказала аб дзейнасці нашай установы адукацыі ў краязнаўча-этнаграфічным накірунку. Затым яна запрасіла ўдзельнікаў мерапрыемства на дэгустацыю страў беларускай нацыянальнай кухні.
Для гасцей быў прадстаўлены фрагмент “Дзіцячых вячорак”, якія падрыхтавалі выхаванцы 2-ой інтэграванай групы. На танец “Полька” маленькія артысты запрасілі і гасцей.
Далей госці змаглі пазнаёміцца з мадэлямі “Тэатра моды”, дзе былі прадстаўлены калекцыі льняных касцюмаў з выкарыстаннем сучаснага дызайна. Дадзены праект мяркуе захаванне і традыцый народнага касцюма.
На базе ўстановы адукацыі ўжо 33 гады існуе этнагарафічны музей, у якім сабраны багаты краязнаўчы матэрыял, арганізоўваюцца фальклорныя святы і абрады. Тут юныя артысты клуба “Спадчына” (кір. Коцік В.У.) парадавалі гасцей паказам абрада “Заручыны”, які быў вельмі папулярны на Забалаччыне ў другой палове ХХ стагоддзя.
Настаўнік гісторыі і грамадазнаўства Мар’янская Л.П. прэзентавала аб дасягненнях педагогаў і навучэнцаў за апошнія 3 гады ў краязнаўча-даследчым і праектным накірунку.
<pre style="text-align:justify; text-indent:35.45pt"> Вывучэнне гістарычнай і культурнай спадчыны роднага краю немагчыма ўявіць без “ваеннай” старонкі ў гісторыі малой радзімы. Гэтай тэме прысвечана экспазіцыя “Генацыд беларускага народа”. </pre> <pre style="text-align:justify; text-indent:35.45pt"> Вельмі ўразіла гасцей экспазіцыя “Выцінанка”, дзе былі прадстаўлены работы членаў аб’яднання па інтарэсах “Творчая майстэрня” (кір.Юндзіл А.В.).</pre>Падчас экскурсіі па школе дырэктар звярнула ўвагу на тое, што з 1 верасня 2022/2023 н.г. школе прысвоена імя Я.Н.Карпянкова – выдатнага педагога, заслужанага работніка народнай адукацыі Беларускай ССР, і падзялілася планамі на будучае – зрабіць экспазіцыю, прысвечаную Яўгенію Навумавічу Карпянкову.
Далей кіраўнікі ўстаноў адукацыі раёна разглядалі пытанні, заяўленыя ў плане работы.
