Фарбы сваімі рукамі
"Дзеці з ахвотай заўсёды чым-небудзь займаюцца, бо іх жывая кроў не можа заставацца ў супакоі. Гэта вельмі карысна, а таму не толькі не трэба гэтаму мяшаць, але патрэбна прымаць меры для таго, каб заўсёды у іх было што рабіць. Няхай яны будуць тымі мураўямі, якія заўсёды занятыя..." Я.А.Каменскі
Засвойваецца ўсё моцна і надоўга, калі дзіця чуе, бачыць і робіць само. Вось на гэтым і заснавана актыўнае прымяненне дзіцячага эксперыментавання ў нашай дашкольнай установе. Гэта дзейнасць развівае дапытлівасць, кругагляд і фарміруе на іх аснове пазнавальную цікавасць.
Нашы выхаванцы вельмі любяць займацца эксперыментаваннем, даследчай дзейнасцю. Разам з педагогамі стварылі і даследавалі фарбы, параўналі іх з фабрычнымі. Шмат станоўчых эмоцый вызвала маляванне гэтымі фарбамі.
