Новости проекта
С Новым годом и Рождеством!
Разъяснение ситуации с рекламой и предупреждением МАРТ
Обновленные функции Schools.by
Тыдзень для Дня Незалежнасці Рэспублікі Беларусь
У нашай установе Тыдзень да Дня Незалежнасці Рэспублікі Беларусь (далей Тыдзень) быў вельмі насычаны і цікавы.
| Дашкольнікі штодня слухалі дзяржаўны гімн Рэспублікі Беларусь; правявілі забавы “Родны кут маіх дзядоў", "У гасцях у Сонейка", дзе чыталі вершы, прыказкі і прымаўкі пра Беларусь, гулялі ў беларускія народныя гульні. Выхавальнікі правялі з дзецьмі размову пра сімвалы Беларусі, арганізавалі і правялі гульні "Мая радзіма", “Пазнай, што гэта…”, фальклорнае свята «Спяваем беларускія калыханкі», пазнавальную экскурсію ў школьны этнаграфічны музей "Спадчына". Дзеці атрымалі шмат станоўчых эмоцый. |
|
| 27 чэрвеня ўсе размаўлялі выключна па-беларуску, бо ў аздараўленчым лагеры “Рознакаляровае лета” быў Дзень роднай мовы і аб’яўлена акцыя “Размаўляй са мной па-беларуску”. Віртуальнае падарожжа па мясцінах Я.Коласа і Я.Купалы было прымеркавана да 140-годдзя з дня нараджэння класікаў беларускай літаратуры. Выхаванцы завочна наведалі Вязынку, Акінчыцы, пазнаёміліся з роднай старонкай кожнага з паэтаў. |  |
| На працягу Тыдня падчас літаратурных пасядзелак “Хата казкамі багата” ў аздараўленчым лагеры “Рознакаляровае лета” дзеці з задавальненнем чыталі і пераказвалі любімыя казкі. На спартыўнай пляцоўцы выхаванцы прынялі ўдзел у беларускіх народных гульнях. |
|
| Наведалі помнік землякам, якія загінулі падчас Вялікай Айчыннай вайны, добраўпарадкавалі магілу невядомым салдатам на могілках аг.Забалаць, усклалі кветкі ў знак памяці і павагі. |
|
| Сумесна з Місявіцкім ЦКіД была праведзена канцэртная праграма "Радзіма мая дарагая", у бібліятэцы дзеці змаглі наведаць выставу, прысвечаную Дню вызвалення Беларусі ад намецка-фашысцкіх захопнікаў. |
|
| Цікава было нашым выхаванцам у час экскурсіі на пагранзаставу “Забалаць” паглядзець, як там жывуць і нясуць службу вайскоўцы. Хлопчыкі і дзяўчынкі ўважліва разглядалі ваенную тэхніку, а таксама іх зацікавілі службовыя сабакі, якія дапамагаюць ахоўваць тэрыторыю нашай радзімы. Юнакі і дзяўчаты падчас экскурсіі паспрабавалі сабраць і разабраць аўтамат Калашнікава, пазнаёміліся са знакамі на пагранічнай паласе, паспрабавалі вызначыць па слядах, у які бок накіроўваўся ўяўны парушальнік. |
|
| Завяршыўся Тыдзень Урокам памяці, на якім прысутнічалі ваеннаслужачыя пагранічнай заставы “Забалаць”. |  |
фотасправаздача https://upk-zabolot.schools.by/photoalbum/990006
Комментарии:
Оставлять комментарии могут только авторизованные посетители.
