Фальклорнае свята "Спяваем беларускія калыханкі"
29 чэрвеня ў групе інтэграванага навучання і выхавання адбылося фальклорнае свята «Спяваем беларускія калыханкі». Вельмі эмацыянальна-артыстычным і душэўным было выступленне Анастасіі Врублеўскай і Анастасіі Букейка, якія ласкава і пяшчотна спявалі калыханку для Васілінкі. Асабліва спадабалася выступленне дзяўчынак, якія выконвалі «Танец з падушкамі». Цікава прайшоў конкурс сярод дзяўчынак «Мне падабаецца калыханка!»
За сваё артыстычнае выступленне кожны выхаванец групы атрымаў падарунак ад сваёй матулі ў выглядзе самаробнай лялькі, пасля чаго з вялікім задавальненем спявалі ўсе калыханку «Спі, сыночак міленькі, спі, дачушка мілая» (хлопчыкі-таты і дзяўчынкі-мамы).
Такое фальклорнае свята дае магчымасць у выхаванцаў фарміраваць уяўленні пра беларускія калыханкі, жаданне спяваць іх на беларускай мове, уменне перадаваць у міміцы, жэстах і рухах эмацыянальны стан маці і маленькага дзіцяці.
