Прышкольны аздараўленчы лагер “Рознакаляровае лета”. 16 дзень
ДЗЕНЬ РОДНАЙ МОВЫ
27 чэрвеня ўсе размаўлялі выключна па-беларуску, бо ў аздараўленчым лагеры “Рознакаляровае лета” быў дзень роднай мовы і аб’яўлена акцыя “Размаўляй са мной па-беларуску”. Віртуальнае падарожжа па мясцінах Я.Коласа і Я.Купалы было прымеркавана да 140-годдзя з дня нараджэння класікаў беларускай літаратуры. Выхаванцы атрада “Вясёлыя рабяты” наведалі Вязынку, Акінчыцы, пазнаёміліся з роднай старонкай кожнага з паэтаў.
Маленькія “Непаседы” падчас літаратурных пасядзелак “Хата казкамі багата” з задавальненнем чыталі і пераказвалі любімыя казкі. На спартыўнай пляцоўцы дзеці прынялі ўдзел у беларускіх народных гульнях.
Цікава было нашым выхаванцам у час экскурсіі на пагранзаставу “Забалаць” паглядзець, як там жывуць і нясуць службу вайскоўцы. Хлопчыкі і дзяўчынкі ўважліва разглядалі ваенную тэхніку, а таксама іх зацікавілі службовыя сабакі, якія дапамагаюць ахоўваць тэрыторыю нашай радзімы.
Юнакі і дзяўчаты з атрада “Юнацтва” працягвалі працу на калгасных палетках, а потым прынялі ўдзел у турніры знаўцаў роднай мовы.
 |
 |
 |
 |
 |
 |
 |
 |
 |
 |
