ШАГ "Падпольная барацьба"
Для вучняў 9-ых класаў 17.02.2022 г. прайшоў ШАГ “Падпольная барацьба”.
ШАГ 1 «МЫ Даведаемся»
Настаўнік гісторыі:
Актуалізаваў веды навучэнцаў аб арганізацыі падпольнай барацьбы, аб партыйным, камсамольскім падполлі, антыфашысцкіх групах і арганізацыях ва ўмовах акупацыі, іх структуры, пазнаёміў з новай інфармацыяй, акцэнтаваў ўвагу на тых аспектах, якія не разглядаліся на ўроках па вучэбным прадметам "Сусветная гісторыя" (тэма "Барацьба з захопнікамі на акупаванай тэрыторыі"), "Гісторыя Беларусі" (тэма "Разгортванне народнай барацьбы супраць германскіх акупантаў").
ШАГ 2 «МЫ разважаем»
Настаўнік гісторыі арганізаваў абмеркаванне інфармацыі, атрыманай у ШАГ 1.
Пытанні для абмеркавання:
1.Хто кіраваў падпольным рухам на акупаванай тэрыторыі Беларусі? Якім чынам ажыцьцяўлялася каардынацыя дзейнасьці падпольшчыкаў?
2.Якія фактары, на ваш погляд, садзейнічалі развіццю падпольнага руху на акупаванай тэрыторыі СССР?
3.Найбольш цяжкім перыядам былі першыя месяцы вайны, калі шматлікія падпольныя арганізацыі і іх кіраўнікі былі выяўлены германскімі спецслужбамі і знішчаны. Як вы думаеце, чаму, нягледзячы на масавыя расстрэлы, антыфашысцкая барацьба працягвалася?
ШАГ 3 «МЫ падводзім вынікі»
У ходзе падвядзення вынікаў навучэнцам было прапанована даведацца, якія вуліцы населенага пункта, у якім яны пражываюць, названы імёнамі партызан і падпольшчыкаў і, карыстаючыся дадатковай літаратурай, падрыхтаваць паведамленне аб адным з іх.
