Віншуем з узнагародай!
З мэтай фарміравання ў навучэнцаў грамадзянска-патрыятычных пачуццяў сродкамі экскурсійнай і музейнай дзейнасці ў рамках рэспубліканскай акцыі “Я гэты край Радзімаю заву” прайшоў абласны завочны этап рэспубліканскага конкурсу юных экскурсаводаў музеяў устаноў адукацыі.
На конкурс прадстаўлена 76 работ з 17 раёнаў Гродзенскай вобласці і горада Гродна ў намінацыях “Музейная мазаіка” і “Гісторыя аднаго экспаната”.
У рамках правядзення Тыдня музеяў устаноў адукацыі з мэтай папулярызацыі дзейнасці музеяў як адукацыйнай прасторы і рэсурсу ў патрыятычным выхаванні дзяцей і моладзі 18 – 19 кастрычніка 2021 года праводзіўся другі тур абласнога этапу рэспубліканскага конкурсу ў форме анлаін-рэжыме, у якім удзельнічаў 21 навучэнец.
Мінгілевіч Анастасія, навучэнка 11 класа, і Краеўская Вікторыя, навучэнка 10 класа (кіраўнік Войшніс Ф. С.) ДУА “НПК Забалацкія яслі-сад-сярэдняя школа” ўдзельнічалі ў другім туры абласнога этапу рэспубліканскага конкурсу юных экскурсаводаў музеяў устаноў адукацыі ў рамках рэспубліканскай акцыі “Я гэты край Радзімаю заву” ў намінацыях “Гісторыя аднаго экспаната” (Мінгілевіч Анастасія), “Музейная мазаіка” (Краеўская Вікторыя). Яны атрымалі дыпломы І ступені дзяржаўнай установы адукацыі “Гродзенскі абласны цэнтр турызму і краязнаўства”.
Відэа канферэнцыі абласнога этапа рэспубліканскага конкурсу юных экскурсаводаў музеяў устаноў адукацыі можна паглядзець на сайце ДУА “Гродзенскі абласны цэнтр турызму і краязнаўства”.
З мэтай удасканалення дзейнасці ўстаноў адукацыі па грамадзянскім і патрыятычным выхаванні дзяцей і навучэнскай моладзі праз актыўнае ўключэнне іх ва ўсебаковае вывучэнне гісторыка-культурнай і прыроднай спадчыны малой радзімы ва ўстановах адукацыі Гродзенскай вобласці ў рамках рэспубліканскай акцыі “Я гэты край Радзімаю заву” прайшоў абласны этап рэспубліканскага конкурсу “Лепшая метадычная распрацоўка музейнага занятку”. На конкурс былі прадстаўлены 96 работ з 19 раёнаў Гродзенскай вобласці і горада Гродна ў намінацыях “Творчыя знаходкі ў музеі” і “Музейная мазаіка”.
У намінацыі “Творчыя знаходкі ў музеі” ўзнагароджана дыпломам ІІ ступені дзяржаўнай установы адукацыі “Гродзенскі абласны цэнтр турызму і краязнаўства” Войшніс Фаіна Стэфанаўна, кіраўнік этнаграфічнага музея “Спадчына” ДУА “НПК Забалацкія яслі-сад-сярэдняя школа”
Віншуем Мінгілевіч Анастасію, Краеўскую Вікторыю, Войшніс Фаіну Стэфанаўну з перамогай у абласных конкурсах!
