Рэспубліканская акцыя «З клопатам пра бяспеку малой Радзімы»
Пытанне папярэджання гібелі і траўматызму людзей пры ўзнікненні пажараў і іншых надзвычайных сітуацый заўсёды ў прыярытэце. Работнікі Воранаўскага раённага аддзела МНС у рамках рэспубліканскай акцыі «З клопатам пра бяспеку малой Радзімы» наведалі месцы прыпынкаў аўтамагазіна ў населеных пунктах Бастунскага сельсавета.
З жыхарамі вёсак Осава і Друскенікі ратавальнікі правялі прафілактычныя гутаркі, азнаёмілі з мэтамі і задачамі рэспубліканскай акцыі і нагадалі аб неабходнасці да наступлення халадоў прывесці ў парадак пячное ацяпленне: замазаць расколіны, пабяліць коміны і прачысціць іх ад сажы, на падлозе ўсталяваць прадтопачны ліст. Таксама тым, у каго ў домаўладаннях яшчэ не ўстаноўлены аўтаномныя пажарныя апавяшчальнікі, параілі ўсталяваць іх у кожным жылым пакоі і перыядычна правяраць іх на спраўнасць, і ўручылі наглядна-выяўленчую прадукцыю.
