Міжнародны Дзень энергазберажэння
У мэтах прыцягнення ўвагі грамадства да рацыянальнага выкарыстання рэсурсаў і развіцця аднаўляльных крыніц энергіі Рэспубліка Беларусь 11 лістапада 2008 года падтрымала і далучылася да святкавання Міжнароднага Дня энергазберажэння.
Гэтае свята атрымала статус міжнароднага, паколькі прыняць удзел у праекце пажадалі каля 20 краін.
Беларусі ёсць чым ганарыцца ў гэтай сферы, паколькі ў нашай краіне на працягу больш за 25 гадоў паслядоўна праводзіцца дзяржаўная палітыка ў вобласці энергазберажэння. Дзяржаўнае кіраванне ў сферы энергазберажэння ажыццяўляе ўпаўнаважаны рэспубліканскі орган, якім з'яўляецца Дэпартамент па энергаэфектыўнасці Дзяржаўнага камітэта па стандартызацыі Рэспублікі Беларусь.
Штогод у Беларусі да Міжнароднага Дня энергазберажэння Дэпартаментам па энергаэфектыўнасці і яго рэгіянальнымі ўпраўленнямі арганізуецца цэлы шэраг тэматычных мерапрыемстваў: семінараў, канферэнцый, круглых сталоў − дзе ў якасці лектараў выступаюць як беларускія эксперты, так і прадстаўнікі міжнародных кампаній. Арганізуецца шэраг вулічных акцый, трансляцый на тэлевізійных каналах і ў грамадскім транспарце сацыяльнай рэкламы па тэмах энергазберажэння, прэс-тураў на аб'екты энергазберажэння, ва ўстановах адукацыі-адкрытых урокаў і інфармацыйных гадзін з удзелам кіраўнікоў мясцовых органаў улады, конкурсаў малюнкаў і займальных віктарын.
У нашай установе адукацыі таксама праводзяцца мерапрыемствы рознага фармату, прысвечаныя Міжнароднаму Дню энергазберажэння. Азнаёміцца з мерапрыемствамі можна тут.
