15 сакавіка - 25-годдзе Канстытуцыі Рэспублікі Беларусь
У 2019 годзе Беларусь адзначае 25-годдзе Канстытуцыі Рэспублікі Беларусь у рамках рэспубліканскай акцыі " Мы-грамадзяне Беларусі!»
Па традыцыі ў гэты дзень 14-гадовым дзяўчатам і юнакам, якія дасягнулі поспехаў у вучобе, творчасці або спорце, уручылі пашпарты грамадзян Рэспублікі Беларусь. Гэтую ганаровую місію выканалі ветэран Вялікай Айчыннай вайны Сцяпан Аксенцьевіч Жук і начальнік аддзялення па грамадзянстве і міграцыі Воранаўскага РАУС Сяргей Васільевіч Баенскі. Галоўны дакумент грамадзян Рэспублікі Беларусь атрымала Віялета Врублеўская, навучэнка 8 "Б" класа.
Віншуем Віялету!
Падрабязней чытайце на сайце "Воранаўскай газеты": http://www.voran.by, http://www.voran.by
15 сакавіка 1994 года Вярхоўны Савет Рэспублікі Беларусь прыняў новы асноўны Закон краіны. Па выніках рэферэндумаў, якія адбыліся ў 1996 і 2004 гадах, у Канстытуцыю былі ўнесены змены і дапаўненні.
Канстытуцыя Рэспублікі Беларусь-Асноўны Закон дзяржавы, які вызначае і замацоўвае грамадскі і дзяржаўны лад, прававое становішча асобы, парадак фарміравання і кампетэнцыю органаў дзяржаўнай улады, прынцыпы яе ўзаемаадносін з грамадствам і грамадзянамі. У Канстытуцыі сфармуляваны прынцыпы падзелу ўладаў, палітычнага плюралізму, а таксама прапісаныя асноўныя прынцыпы выбарчай сістэмы.
Канстытуцыя ўвасобіла ў сабе пераемнасць і вопыт шматвяковага гістарычнага шляху Беларусі, азнаменавала новы этап у палітычным і сацыяльна-эканамічным развіцці нашай краіны. Яна грунтуецца на неад'емным суверэнным праве беларускага народа мець сваю дзяржаўнасць і быць паўнапраўным суб'ектам сусветнай супольнасці.
Канстытуцыя Рэспублікі Беларусь гарантуе кожнаму грамадзяніну свабоды і правы, неабходныя для стваральнай працы, годнага жыцця і гарманічнага ўсебаковага развіцця асобы. Захаванне Канстытуцыі, паважлівае стаўленне да сімвалаў краіны – дзяржаўнага сцяга, Дзяржаўнага герба, Дзяржаўнага гімна – патрыятычны абавязак кожнага з нас.
Указам Прэзідэнта Рэспублікі Беларусь № 157 ад 26.03.1998 г. Дзень Канстытуцыі Рэспублікі Беларусь устаноўлены як дзяржаўнае свята.
