Бясплатная пуцёўка ў дзіцячы санаторый
Бясплатная пуцёўка ў дзіцячы санаторый: хто мае права і як атрымаць
Хто мае права
На пуцёўку са сродкаў бюджэту можа разлічваць дзіця ва ўзросце ад 3 да 18 гадоў пры асаблівасцях медыцынскіх паказаннях, пералік якіх замацаваны Міністэрствам аховы здароўя. Бацькам дзіцяці трэба звярнуцца да ўчастковага педыятра, які выпісвае медыцынскую даведку аб стане здароўя дзіцяці. Дыягназы могуць быць самымі рознымі: ад астмы, зацяжнога бранхіту, пнеўманіі да ВРВІ або гастрыту.
Куды звяртацца
Бацькам, якія працуюць, належыць звярнуцца ў камісію па аздараўленні і санаторна-курортным лячэнні па месцы працы (любога з бацькоў), навучэнцам і студэнтам - па месцы вучобы, індывідуальным прадпрымальнікам і непрацуючым грамадзянам - да вядучага спецыяліста прадстаўніцтва Гродзенскага абласнога ўпраўлення Рэспубліканскага цэнтра па аздараўленні і санаторна- курортнаму лячэнню насельніцтва па Воранаўскаму раёну.
Адрас прадстаўніцтва: г.п. Воранава, вул. Савецкая 34, каб.15.
Час працы: 8.30-12.30.
Тэлефон: 2-11-63
Якія патрэбныя дакументы
Каб атрымаць бясплатную пуцёўку для дзяцей, бацькам трэба напісаць заяву, узяць у педыятра медыцынскую даведку ф №1 здр / у-10 пра тое, што дзіця мае патрэбу ў санаторна-курортным лячэнні, а таксама даведку з месца работы другога з бацькоў аб тым, што ў бягучым годзе ён не выкарыстаў права бясплатнага аздараўлення дзіцяці.
У якіх санаторыях можна прайсці лячэнне
Ва ўсіх дзіцячых санаторыях аздараўленне праводзіцца цэлы год з забеспячэннем вучэбна-выхаваўчага працэса.
«Зялёны бор» ў Салігорскім раёне (10-18 гадоў) - алергічныя захворванні, рыніты, бранхіты, астмы, стан пасля перанесенай пнеўманіі і г.д. У санаторыі ёсць басейн.
У наяўнасці пуцёўкі з 12.11. па 02.12.
«Случ» у Слуцкім раёне (1 - 11 класы) - захворванні сардэчна-сасудзістай сістэмы, органаў дыхання, стрававання, касцёва-мышачнай і мочапалавой сістэмы. У санаторыі ёсць басейн.
У наяўнасці пуцёўкі з 09.12. па 29.12.
«Баравічок» дзіцячае аддзяленне ў санаторыі «Радон» у Дзятлаўскім раёне (1 - 9 класы) - захворванні нервовай сістэмы, кровазвароту, стрававання, мочапалавой, касцёва-мышачнай і злучальнай тканіны, органаў дыхання. У санаторыі ёсць басейн.
У наяўнасці пуцёўкі з 16.11. па 06.12. і з 09.12. па 29.12.
«Богатырь» ў Маладзечанскім раёне (6 - 16 гадоў) - лячэнне органаў зроку.
«Беларусь» у г.Друскінінкай (1-10 класы) - захворванні апорна-рухальны апарат, органы стрававання.
Дзецям да 18 гадоў пуцёўкі выдаюцца бясплатна.
