Конкурс фотаздымкаў «Мае родныя людзі»
У рамках шостага школьнага дня праведзены конкурс фотаздымкаў «Мае родныя людзі» Настаўнік і вучні разважалі , што няма ніводнай сям'і, у якой не захоўвалі б здымкі, якія сталі сямейнымі рэліквіямі. У кожнай сям'і ёсць фатаграфіі, якія надоўга пакідаюць памяць аб дарагіх людзях, аб падзеях у сямейным жыцці. Традыцыя гэта вельмi важная. Нездарма падчас вайны ці іншых цяжкіх жыццёвых сітуацыях, калі людзі былі змушаныя пакідаць свае хаты, яны бралі з сабой толькі самыя каштоўныя рэчы, сярод якіх фатаграфіі і лісты дарагіх людзей.
Вучні прыйшлі да высновы і ўпэўнены ў тым, што кожны з іх уяўляе сям'ю як ачаг, дзе пануюць Каханне, Вернасць, Памяць, Клопат. Трэба любіць блізкіх людзей і шанаваць сваю сям'ю, працягваць сямейныя традыцыі, каб не разгубіць сямейных каштоўнасцяў!
