Свята "Багач"
17 кастрычніка навучэнцы 6 класа разам з класным кіраўніком Міхайлавай Я.Я. і загадчыкам школьнага этнаграфічнага музея Войшніс Ф.С. арганізавалі і правялі фальклорнае свята "Багач".
Сёння навучэнцы 6 класа разам з класным кіраўніком Міхайлавай Я.Я. і загадчыкам школьнага этнаграфічнага музея Войшніс Ф.С. арганізавалі і правялі фальклорнае свята "Багач", якое азначае заканчэнне ўборкі ўраджаю.
У даўніну слова Багач сведчыла пра канчатковы набытак селяніна з яго нівы. Святочны дзень быў не толькі для гульняў, але і настройваў на далейшыя работы: "Прыйшоў Багач - кідай рагач, бяры сявеньку, сей памаленьку". На свята пяклі вялікі каравай з новага ўраджаю. Насілі ў кожную хату і адрыну кошык з жытам і свечкаю, бо гэта забяспечвала сям'і дабрабыт і шчасце.
Навучэнцы 6 класа цікава паказалі звычай святкавання Багача:выбіралі Багіню жніва, якая дарыла гаспадарам сноп, частавалі гасцей, спявалі песні, гулялі ў гульні, дзед Усявед загадваў загадкі пра агародніну, жартавалі. Відэасправаздача
