Акцыя “Шануем мінулае – цэнім сучаснае” Мерапрыемствы “Ідзем у музей!”
Свята-конкурс “ФЭСТ” (фальклор, этнаграфія, спадчына, традыцыі). 11клас
Мэта свята-конкурсу “ФЭСТ”: узнавіць і пашырыць веды школьнікаў пра свой родны край, беларускую культуру, вусную народную творчасць, абрады і народныя традыцыі, паказаць узаемасувяць культуры і быту; развіваць вобразнае і лагічнае мысленне; абуджаць цікавасць да вывучэння мясцовага краязнаўчага матэрыялу; садзейнічаць выхаванню патрыятычных пачуццяў.
У свяце прынялі ўдзел дзве каманды адзінаццацікласнікаў, якія працавалі па наступнай тэматыцы конкурсных заданняў: Ф – фальклор (загадкі, прыказкі, казкі); Э – этнаграфія (прадметы побыту, адзенне, абутак, прылады працы…); С – спадчына (легенды пра ўзнікненне гарадоў, пра міфічных істот); Т – традыцыі нашага народа.
Кіраўнік этнаграфічнага музея “Спадчына” Войшніс Ф.С. пазнаёміла навучэнцаў 11 класа з умовамі конкурсу. Удзельнікі выбіралі тэму і нумар пытання. Калі адна каманда давала памылковы адказ, адказвала другая каманда. У бліц-конкурсах прымалі ўдзел абедзве каманды.
