Акцыя “Шануем мінулае – цэнім сучаснае” Мерапрыемствы “Ідзем у музей!”
Загадкі ў музейных прадметах. Гульня-спаборніцтва. 3 клас
З навучэнцамі 3 класа (класны кіраўнік Венцкевіч І.Д.) кіраўніком этнаграфічнага музея “Спадчына” Войшніс Ф.С. і экскурсаводамі Вярцінскай Марыяй і Актуновіч Дар’яй праведзена гульня-спаборніцтва “Загадкі ў музейных прадметах”. Для гульні выкарыстоўваліся экспанаты. Удзельнікі каманд “Верасок” і “Васілёк” заўзята адгадвалі, што знаходзіцца ў “чароўным” кошыку, падбіралі прыладу, знаходзілі адгадкі сярод экспанатаў музея, разгадвалі загадкі-пытанні, загадкі-жарты, загадкі-задачы. Яны ўдзельнічалі ў гульні “Забі гол”.
Каштоўнасць загадкі ў тым, што яна ў высокапаэтычнай форме адлюстравала гаспадарчую і працоўную дзейнасць чалавека, яго жыццёвы вопыт. Гэта сродак забавы і пацехі для дзяцей.
Гульня навучэнцам спабалася. Яны былі актыўныя, кемлівыя, назіральныя, разважлівыя.
