Тыдзень этнаграфічнага музея “Спадчына”
З 12 па 17 мая 2023 года праводзіўся тыдзень этнаграфічнага музея “Спадчына”. У тыдні прынялі ўдзел выхаванцы інтэграванай групы навучання і выхавання №2 (выхавальнік Л.І. Глушэнь), для якіх была арганізавана пазнавальная экскурсія “Лепш нічога няма свайго роднага вугла”.
Выхаванцы групы падоўжанага дня № 1(вучні 1-2 кл.) удзельнічалі ў гульні-спаборніцтве “Загадкі ў музейных прадметах”. Выхавальнік Р.І. Чапля.
Для вучняў 5 класа (класны кіраўнік Я.Я. Міхайлава) арганізавана літаратурна-этнаграфічная гасцёўня “Ой лянок, лянок мой чысты, валакністы, залацісты!”. Яны наведалі музей і на ўроку СМК з настаўніцай Г.Ч. Ненартовіч, дзе здзейснілі вуснае падарожжа па сусветнай мастацкай культуры па тэме “Традыцыйнае народнае жыллё”. Дзяўчынкі-пяцікласніцы на ўроку абслугоўваючай працы з настаўніцай Я.М. Анаровіч па тэме “ Віды вышыўкі. Асаблівасці беларускай народнай вышыўкі. Вышыўка як від дэкаратыўна прыкладнога мастацтва. Вышыўка ў тэхніцы “Набор” пазнаёміліся з раздзелам “Вышыўка і ткацтва як від дэкаратыўна-прыкладнога мастацтва” экспазіцыі школьнага музея.
Вучні 6 класа (класны кіраўнік, настаўніца беларускай мовы і літаратуры Г.А. Пакуліс) удзельчалі ў брэйн-рынгу па паэме Якуба Коласа “Новая зямля” на тэму “Жыццё і побыт беларусаў”.
Кацярына Станіславаўна Краеўская, настаўніца беларускай мовы, з вучнямі 7 класа правяла ўрок-свята па нарысе “Зямля пад белымі крыламі” У. Караткевіча.
У этнаграфічным музеі “Спадчына” актывістамі музея (кіраўнік Ф.С. Войшніс) арганізавана выстава “Вязанне”. Гэтую выставу наведалі дзяўчынкі 8 класа на ўроку абслугоўваючай працы (настаўнік Я.М. Анаровіч). З навучэнцамі 8 класа (класны кіраўнік Г.Ч. Цыбулька) праведзены занятак-экскурсія “Свет музейных прадметаў, свет людзей”.
Настаўнікі Г.А. Суркант і С.І. Буйко ў 9 “А” класе правялі ўрок-эскурсію на нямецкай мове “Наш школьны музей “Спадчына” ў рамках тэмы “Вольны час”.
