Віншуем з перамогай!
14 красавіка 2023 года адбыліся раённыя спаборніцтвы па праграме летняга шматбор'я "Абаронца Айчыны" сярод юнакоў дапрызыўнага і прызыўнога ўзросту ў рамках Дзяржаўнага фізкультурна-аздараўленчага комплексу Рэспублікі Беларусь – 2023. Спаборніцтвы праводзіліся з мэтай: арганізацыі фізкультурна-спартыўнай работы з юнакамі, якія навучаюцца ва ўстановах агульнай сярэдняй адукацыі; падрыхтоўкі юнакоў да службы ў шэрагах Узброеных Сіл і іншых воінскіх фарміраваннях Рэспублікі Беларусь; далучэння юнакоў да сістэматычных заняткаў фізічнай культурай і спортам; прапаганды здаровага ладу жыцця сярод дапрызыўнай і прызыўной моладзі. Навучэнцы ў складзе 3 чалавек (Запаснік К. - 11клас, Кель М. - 10 клас, Струкель Дз. - 9 клас) прынялі актыўны ўдзел у спаборніцтвах, дзе праявілі сябе ў трапнасці стральбы і гімнастычных дадзеных, кіданні гранаты і ў спрынце, па выніках чаго каманда атрымала ганаровае 2 месца, а асабістае 1 месца атрымаў Запаснік Кірыл. ТАК ТРЫМАЦЬ!
