Педсавет па выхаваўчай рабоце
27.12.2022 ва ўстанове адукацыі адбыўся педсавет па выхаваўчай рабоце“Аб рабоце педагагічнага калектыву ўстановы адукацыі па павышэнні выхаваўчага патэнцыялу сям’і праз пошук новых эфектыўных форм узаемадзеяння”
Эпіграфам да педсавета сталі словы В.А.Сухамлінскага: "Каб ведаць дзіця, трэба добра вывучыць яго сям'ю".
Для паспяховай арганізацыі адукацыйнага працэсу неабходны веды аб сітуацыі ў сям'і, прафесійная дапамога бацькам і супрацоўніцтва з імі ў выхаванні дзіцяці. Кожны класны кіраўнік склаў сацыяльны партрэт сем'яў класа, у якім прааналізаваў узрост, адукацыю, статус, прафесійную прыналежнасць кожнага з бацькоў, што дазволіла ўстанавіць асаблівасці сучаснай сям'і ДУА «Забалацкая сярэдняя школа імя Я.М.Карпянкова».
Эфектыўнасць выхавання дзіцяці залежыць ад таго, наколькі цесна ўзаемадзейнічаюць школа і сям'я. Вядучую ролю ў арганізацыі супрацоўніцтва школы і сям'і адыгрываюць выхавальнікі і класныя кіраўнікі Краўніс Г.Ю., Ненартовіч Г.Ч, Вільчэўская І.М., педагог-дыфектолаг Мінгілевіч А.А., якія падзяліліся вопытам работы з сем'ямі на розных ступенях агульнай сярэдняй адукацыі.
Устанаўленне з бацькамі добразычлівых кантактаў адбываецца лягчэй, калі педагог валодае веданнем і навыкамі псіхолага-педагагічных асноў устанаўлення кантактаў з сям'ёй вучняў. Удзельнікам педсавета была прапанавана дзелавая гульня «Кантакт» па аналізе праблемных сітуацый, дзе кожны педагог у ходзе абмеркавання мог прапанаваць сваё правільнае рашэнне і пачуць кампетэнтную думку спецыяліста.
Класным кіраўнікам былі прапанаваны новыя формы ўзаемадзеяння з бацькоўскай грамадскасцю у пытаннях павышэння выхаваўчага патэнцыялу сям’і. Усе прысутныя на педсавеце прыйшлі да меркавання, што ў сучасным свеце, які хутка змяняецца, ніколі не позна працягваць вучыцца і ўдасканальвацца. Праца педсавета скончылася словамі У.А. Сухамлінскага: "Выхоўваючы дзяцей, мы часам абавязаны адначасова выхоўваць і дарослых бацькоў".
