Экскурсія "Забалаць - Музей халоднай вайны "Бункер-77""
У рамках шостага школьнага дня навучэнцы 2-8 класаў дзяржаўнай установы адукацыі "Забалацкая сярэдняя школа імя Я.Н. Карпянкова" падчас экскурсіі наведалі музей халоднай вайны "Бункер-77". Падчас наведвання ў музеі была арганізавана квэст-гульня, падчас якой дзеці выконвалі розныя заданні, арыентаваліся па карце, разгадвалі шыфры і шукалі коды. Адначасова прадставілася магчымасць азнаёміцца з размяшчэннем памяшканняў і наяўнасцю розных прадметаў, якія дапамаглі ў выкананні заданняў. Кожная група з энтузіязмам і рызыкай бралася за новыя выпрабаванні. Па выніку, кожная каманда справілася з усімі заданнямі ў належны тэрмін. Абсалютна ўсе дзеці засталіся задаволеныя вынікам і шчыра падзякавалі экскурсаводам за цікавае баўленне часу. Кожны выказаў меркаванне аб тым, што хоча зноў паўдзельнічаць у такім мерапрыемстве.
