Святочная лінейка, прысвечаная падвядзенню вынікаў І чвэрці
28.10.2022 у актавай зале прайшла ўрачыстая лінейка, прысвечаная заканчэнню І чвэрці.
Па традыцыі ў апошні дзень чвэрці навучэнцы прыходзяць у школу ў "восеньскіх" колерах.
У пачатку прайшла цырымонія ўносу дзяржаўнага сцяга Рэспублікі Беларусь, а таксама быў выкананы гімн.
Намеснік дырэктара па вучэбнай рабоце Л.Г. Явейшыс нагадала навучэнцам аб нормах ацэнкі ведаў, якія адзнакі з'яўляюцца нездавальняючымі. Таксама абмяркоўвалася пытанне аб прафілактыцы курэння і наркаманіі. Дзяцей пазнаёмілі з новымі правіламі дарожнага руху, якія ўступілі ў сілу з 27 кастрычніка.
Намеснік дырэктара па выхаваўчай рабоце Коцік В.У. пазнаёміла навучэнцаў з планам мерапрыемстваў на перыяд восеньскіх канікулаў і аб'явіла аб функцыянаванні прышкольнага аздараўленчага лагера.
Таксама былі ўручаны граматы і дыпломы пераможцам конкурсаў і спаборніцтваў.
