Экскурсія на пагранзаставу "Забалаць"
8 кастрычніка члены клуба "ЮДП" наведалі пагранзаставу "Забалаць" . Цяпер гэта адзін з самых галоўных участкаў беларуска-літоўскай граніцы.
Агульную экскурсію па тэрыторыі правёў намеснік начальніка заставы старшы лейтэнант Раман Паўлавіч Шугальскі, які пазнаёміў з сучаснымі ўмовамі нясення пагранічнай службы. Дзеці пазнаёміліся з гісторыяй заставы, пабывалі на кантрольна-следавой паласе, наведалі гадавальнік службовых сабак. Экскурсія працягвалася ў памяшканні, дзе навучэнцы пазнаёміліся з бытавымі ўмовамі вайскоўцаў, іх распарадкам дня.
Тут кожны мог упэўніцца, што для паўнацэннага адпачынку і паспяховай службы пагранічнікаў створаны ўсе неабходныя ўмовы.
Падводзячы вынікі экскурсіі, навучэнцы зрабілі выснову, што быць пагранічнікам у наш час не толькі ганарова, але і вельмі адказна.
