Фальклорнае свята "Спяваем беларускія калыханкі"
29 чэрвеня у групе інтэграванага навучання і выхавання адбылося фальклорнае свята «Спяваем беларускія калыханкі».
Вельмі эмацыянальна-артыстычным і душэўным было выступленне Анастасіі Врублеўскай і Анастасіі Букейка, якія ласкава і пяшчотна спявалі калыханку для Васілінкі. Асабліва спадабалася выступленне дзяўчынак, якія выконвалі «Танец з подушкамі». Цікава прайшоў конкурс сярод дзяўчынак «Мне падабаецца калыханка!!!»
За свае артыстычнае выступленне кожны выхаванец групы атрымаў падарунак ад сваёй матулі ў выглядзе самаробнай лялькі, пасля чаго з вялікім задавальненем спявалі калыханку «Спі сыночак міленькі, спі дачушка мілая» (хлопчыкі-таты і дзяўчынкі-мамы).
Такое фальклорнае свята дае магчымасць выхаванцам фарміраваць уяўленні пра беларускія калыханкі , жаданне спяваць іх на беларускай мове, уменне перадаваць у міміцы, жэстах і рухах эмацыянальны стан маці і маленькага дзіцяці.
