Прышкольны аздараўленчы лагер “Рознакаляровае лета”. 10 дзень
ДЗЕНЬ ТВОРЧАСЦІ
Яшчэ адзін дзень жыцця ў аздараўленчым лагеры прайшоў цікава і вельмі хутка. З медыцынскім работнікам на мінутцы здароўя ўспомнілі, як правільна даглядаць зубы, каб заўсёды была прыгожая ўсмешка. Спаборнічалі выхаванцы на спартыўным стадыёне, калі гулялі ў бадмінтон, бо выбіралі самага хуткага і спрытнага падчас гульні.
Сёння ў лагеры была акцыя “Кіно – дзецям”. Уважліва праглядзелі выхаванцы дакументальны фільм пра Вялікую Айчынную вайну, а затым разам з выхавацелямі абмеркавалі яго. І канешне не абышліся без любімых мультфільмаў.
Сваю творчасць, фантазію змаглі праявіць хлопчыкі і дзяўчынкі з атрада “Вясёлыя рабяты”, калі ўдзельнічалі ў конкурсе малюнкаў на асфальце “Фарбы лета”. Кожнаму хацелася намаляваць любімую пару года па-свойму. І гэта атрымалася. А ў руках маленькіх “Непаседаў” лісты каляровай паперы ператвараліся ў дзіўных звяркоў, калі яны працавалі ў творчай майстэрні “Незвычайная папера”. Старэйшыя выхаванцы з працоўнага атрада сталі ўдзельнікамі музычнага конкурса “Ало, мы шукаем таленты”.
Завяршыўся дзень падвядзеннем вынікаў з уручэннем самым актыўным выхаванцам лагерных манетак.
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
