Прышкольны аздараўленчы лагер “Рознакаляровае лета”. 5 дзень
ДЗЕНЬ БЯСПЕКІ
Кожны дзень у лагеры пачынаецца з ранішняй зарадкі і хвілінкі здароўя. Так было і сёння. Выхаванцы атрымалі інфарамацыю ад медработніка пра тое, як пазбегнуць харчовых атручэнняў.
Затым з дзецьмі была праведзена экскурсія на ПАВП-11 у аг.Забалаць, падчас якой хлопчыкі і дзяўчынкі пазнаёміліся з асаблівасцямі і спецыфікай працы пажарных-выратавальнікаў, убачылі незвычайную тэхніку, нават змаглі прымераць выратавальныя касцюмы.
Гульня-практыкум “Мы і дарога”, пазнавальны турнір “Знатакам дарожнай азбукі”, праведзеныя ў атрадах “Непаседы” і “Вясёлыя рабяты”, далі магчымасць дзецям паўтарыць і замацаваць правілы дарожнага руху. Старэйшыя выхаванцы прынялі ўдзел у квэст-гульні “Юныя пажарныя”. Дзень бяспекі ў лагеры прайшоў з карысцю і вельмі хутка.
 |
 |
 |
 |
