Канстытуцыя маёй краіны
Дзень Канстытуцыі Рэспублікі Беларусь - адно з важнейшых дзяржаўных свят. У гэтым годзе яно асабліва важнае і значнае, паколькі ўступаюць у сілу новыя змены і дапаўненні ў Асноўны Закон. Шырока адзначылі гэтае свята навучэнцы нашай школы. У рамках святкавання Дня Канстытуцыі Рэспублікі Беларусь у класных калектывах прайшлі мерапрыемствы пад агульнай назвай "Канстытуцыя маёй краіны". Маладыя грамадзяне абмеркавалі свае правы і абавязкі, даведаліся, якія змены і дапаўненні былі ўнесены ў Канстытуцыю Рэспублікі Беларусь на рэспубліканскіх рэферэндумах 24.11.1996 і 17.10.2004 гг. Абмеркавалі і ўнясенне змен, прынятых на Рэферэндуме 27.02.2022 года.
15 сакавіка Кель Максім прыняў удзел у раённым святочным мерапрыемстве па ўручэнню пашпартоў у рамках Усебеларускай патрыятычнай акцыі "Мы грамадзяне Беларусі", якая была прымеркавана да Дня Канстытуцыі. Ва ўрачыстай абстаноўцы юнак атрымаў свой першы дакумент - пашпарт грамадзяніна Рэспублікі Беларусь.
Канстытуцыя з'яўляецца Асноўным законам дзяржавы і займае найважнейшае месца сярод крыніц права. Дзевяцікласнікі разважалі аб правах чалавека і правах дзіцяці. Гэтыя фразы трывала ўвайшлі ў нашае жыццё і прыжыліся ў нашым грамадстве. У Дзень Канстытуцыі былі ўручаны каштоўныя падарункі - кнігі "Я-грамадзянін Рэспублікі Беларусь".
З мэтай выхавання прававой культуры асобы, выхавання грамадзянскасці і пратрыятызму была праведзена раённая анлайн-віктарына "Асноўны закон дзяржавы", дзе нашы піянеры паказалі свае веды аб Канстытуцыі Рэспублікі Беларусь. Акрамя таго 5 навучэнцаў нашай установы адукацыі ўдзельнічалі ў абласным Online-Quiz да Дня Канстытуцыі "Канстытуцыя! Беларусь! Я!".
