ШАГ “Баявая, дыверсійная і агітацыйна-прапагандысцкая дзейнасць партызан”
У рамках інфармацыйна-адукацыйнага праекта “ШАГ” 3 сакавіка з навучэнцамі 9-ых класаў была праведзена інфармацыйная гадзіна па тэме: “Баявая, дыверсійная і агітацыйна-прапагандысцкая дзейнасць партызан”.
На першым этапе “Мы даведваемся” настаўнік гісторыі актуалізавала веды навучэнцаў пра баявую, дыверсійную і агітацыйна-прапагандысцкую дзейнасць партызан і падпольшчыкаў, акцэнтуючы ўвагу на тых аспектах, якія раней не разглядаліся на ўроках гісторыі. Навучэнка 9 класа Куклінская Надзея прэзентавала даследчую работу “Партызанскімі сцежкамі (дзейнасць партызанскага атрада імя Катоўскага на тэрыторыі Воранаўшчыны ў час Вялікай Айчыннай вайны)”. Падлеткі даведаліся пра баявую і дыверсійную дзейнасць землякоў, якія ўваходзілі ў склад партызанскага атрада імя Катоўскага.
На другім этапе “Мы разважаем” было арганізавана абмеркаванне атрыманай інфармацыі па пытаннях:
1. Як вы лічыце, якое значэнне мела барацьба партызан і падпольшчыкаў для разгрому нямецка-фашысцкіх захопнікаў?
2. Як вы лічыце, чаму партызаны і падпольшчыкі надавалі вялікую ўвагу агітацыйна-прапагандысцкай працы?
На этапе “Мы падводзім вынікі” навучэнцам было прапанавана выкарыстаць матэрыялы інтэрнэт-праекта “Партызаны Беларусі” і знайсці сярод удзельнікаў партызанскага атрада імя Катоўскага імёны сваіх землякоў.
Дзевяцікласнікі прыйшлі да высновы, што сярод мясцовых партызан і падпольшчыкаў былі нават і падлеткі.
