ШАГ “Германскі акупацыйны рэжым”
Для вучняў 9-ых класаў 16.12.2021 прайшоў ШАГ “Германскі акупацыйны рэжым”
ШАГ 1 «МЫ даведаемся»
Настаўнік гісторыі:
1) актуалізаваў веды вучняў аб плане «Ост», аб мэтах фашысцкай Германіі ў адносінах да насельніцтва Беларусі;
2) пазнаёміў навучэнцаў са зместам інфармацыйных блокаў:
Блок “Новы парадак”;
Блок “Адміністрацыйна-тэрытарыяльны падзел акупаванай тэрыторыі БССР”;
Блок “Акупацыйны апарат кіравання”;
Блок “Калабарацыянізм”.
ШАГ 2 «МЫ разважаем»
Настаўнік гісторыі арганізаваў абмеркаванне інфармацыі, атрыманай у ШАГ 1.
Блок “Новы парадак”
Пытанне для абмеркавання:
Якімі маглі быць наступствы такой палітыкі акупантаў для беларускага народа?
Блок “Адміністрацыйна-тэрытарыяльны падзел акупаванай тэрыторыі БССР”
Пытанне для абмеркавання:
Што азначала для Беларусі адміністрацыйна-тэрытарыяльны падзел, усталяваны германскімі акупантамі?
Блок “Акупацыйны апарат кіравання”
Пытанне для абмеркавання:
Якія былі мэты створаных акупантамі органаў кіравання? Як вы думаеце, чаму германскія ўлады былі змушаны шукаць падтрымку сярод мясцовага насельніцтва?
Блок “Калабарацыянізм”
Пытанні для абмеркавання:
1. Якія калабарацыянісцкія арганізацыі былі створаны на акупаванай тэрыторыі Беларусі?
2. Якія задачы выконвалі калабарацыянісцкія арганізацыі ў Беларусі?
ШАГ 3 «МЫ падводзім вынікі»
На акупаванай тэрыторыі Беларусі нямецка-фашысцкія захопнікі ўстанавілі "новы парадак", накіраваны на ліквідацыю савецкага дзяржаўнага ладу і савецкіх грамадскіх арганізацый, рабаванне і масавае знішчэнне насельніцтва, разрабаванне матэрыяльнага набытку і прыродных рэсурсаў рэспублікі; устанаўленне і падтрымку дзяржаўнага ладу агрэсараў. Акупацыйны рэжым абапіраўся на войскі вермахта, спецслужбы СС і СД, таемную палявую паліцыю, жандармерыю і дапаможныя мясцовыя паліцэйскія сілы. Няўдачы германскай арміі на фронце, актыўная барацьба партызан і падпольшчыкаў у тыле акупантаў змушала германскія ўлады шукаць падтрымку сярод мясцовага насельніцтва. З ліку мясцовых жыхароў ствараліся органы і арганізацыі, якія супрацоўнічалі з ворагам у яго інтарэсах і на шкоду сваёй дзяржаве (калабарацыяністы). Разам з тым міністр усходніх абласцей А. Розенберг адзначаў, што ў Беларусі адсутнічаюць значныя сілы, якія падтрымліваюць германскі рэжым.
