Новости проекта
С Новым годом и Рождеством!
Разъяснение ситуации с рекламой и предупреждением МАРТ
Обновленные функции Schools.by
Мітынг "З лампадай ля вечнага агню"
З лампадай ля вечнага агню
Усё далей і далей адыходзіць у мінулае той пераможны май 1945 г., але людская памяць аб тых «саракавых», цяжкіх і гераічных, жывая. Яна - у сэрцах тых людзей, чыё дзяцінства прыйшлося на ваенны час, і нас - нашчадкаў гэтага слаўнага, мужнага пакалення Пераможцаў.
Для навучэнцаў ДУА “НПК Забалацкія яслі-сад-сярэдняя школа” гэты святочны дзень напярэдадні 9 Мая запомніцца надоўга. Нягледзячы на халоднае надвор’е мерапрыемства ля помніка ахвяр фашызму в. Пасека-Дварчаны і помніка ў гонар загінуўшых у гады Вялікай Айчыннай вайны ў аг. Забалаць прайшло ярка і ўрачыста.
Уся школа сабралася на мітынг ля помніка ў цэнтры аг.Забалаць, прысвечаны Дню Перамогі, каб ушанаваць памяць тых, хто абараняў нас у цяжкія часы.
Мітынг адкрыла старшыня Забалацкага сельскага Савета Радзівон А.С.
Гучалі вершаваныя радкі і ваенныя песні. На мітынгу “З лампадай ля вечнага агню” прысутнічалі госці: Сазон Людміла Канстанцінаўна - старшыня раённага савета ветэранаў, Андрушкевіч Ірына Гендрыкаўна - галоўны бухгалтар Воранаўскага раённага камітэта ГА «БРСМ» і пагранічнік пагранзаставы Забалаць, намеснік начальніка заставы лейтэнант Кляўда Мікіта Віктаравіч, якім было прадастаўлена слова і якія з гонарам уручылі камсамольскія білеты і павязалі піянерскія гальштукі нашым навучэнцам.
Рады ГА “БРПА” нашай дружыны імя Ю.Смірнова папоўніліся 7 акцябратамі і 18 піянерамі. Для 10 дзяўчат і юнакоў гэта свята таксама запомніцца тым, што яны сталі членамі ГА “БРСМ”.
Мітынг закончыўся песняй “День Перамогі”, якую выконвалі ўсе прысутныя. А памяць аб нашых земляках і ўсіх загінуўшых ў гады Вялікай Айчыннай вайне будзе жыць вечна ў нашых сэрцах.
Комментарии:
Оставлять комментарии могут только авторизованные посетители.
