Віншуем з перамогай!
Віншуем Фаіну Стэфанаўну Войшніс, кіраўніка этнаграфічнага музея “Спадчына”, пераможцу І Рэспубліканскага конкурсу творчых пісьмовых работ “За што я люблю родную зямлю”!
26 сакавіка 2021 года ў Вялікай канферэнц-зале Прэзідыума Нацыянальнай акадэміі навук Беларусі адбылося ўрачыстае ўзнагароджванне пераможцаў І Рэспубліканскага конкурсу творчых пісьмовых работ “За што я люблю родную зямлю” зямлю”, прымеркаванага да завяршэння Года малой Радзімы ў Рэспубліцы Беларусь (2018 – 2020 гг.) і аб’яўлены летам 2020 года Цэнтрам даследаванняў беларускай культуры, мовы і літаратуры НАН.
Арганізатары конкурсу атрымалі больш за 840 творчых пісьмовых работ з усіх абласцей нашай краіны. Дасылалі вершы, паэмы, апавяданні, невялікія даследаванні. Конкурсныя работы павінны былі быць напісаны на высокім мастацкім узроўні, дасканалай мовай, вызначацца арыгінальнасцю і грамадскай актуальнасцю.
У выніку аўтарытэтнае журы адабрала сярод 200 лепшых работ у 12 намінацыях апавяданне “Родная зямля – крыніца натхнення” Ф. С. Войшніс. Фаіна Стэфанаўна атрымала Дыплом пераможцы ў намінацыі “Краязнаўчы далягляд” і каштоўныя падарункі.
