Першы ўрок "Занімай, Беларусь маладая мая, свой пачэсны пасад між народамі!»
Міністэрства адукацыі Рэспублікі Беларусь прапануе правесці першы ўрок 2 верасня ва ўстановах агульнай сярэдняй адукацыі пад назвай " Занімай, Беларусь маладая мая, свой пачэсны пасад між народамі!».
Выдатныя словы песняра беларускага народа Янкі Купалы сугучныя з тэмай Года малой радзімы, падкрэсліваюць суверэнітэт і незалежнасць Рэспублікі Беларусь, які ўмацаваўся за 25 гадоў існавання інстытута прэзідэнцтва ў нашай краіне. Ключавой ідэяй першага ўрока стануць словы кіраўніка дзяржавы, якія прагучалі на ўрачыстым сходзе да Дня Незалежнасці: " І тое, што за чвэрць стагоддзя сваёй незалежнасці ва ўмовах магутнага палітычнага, інфармацыйнага, эканамічнага ціску нам удалося абараніць суверэнітэт, захаваць мір і парадак у краіне, – гэта стала нашай з вамі агульнай перамогай у новай гісторыі".
Таксама падчас першага ўрока знойдзе сваё адлюстраванне тэма Вялікай Перамогі.
Правядзенне першага ўрока на названую тэму будзе спрыяць фарміраванню ў навучэнцаў грамадзянскасці і патрыятызму, выхаванню ў падрастаючага пакалення пачуцця гонару за краіну і яе герояў, павагі да яе дасягненняў, фарміравання актыўнай грамадзянскай пазіцыі і надасць новы імпульс арганізацыі выхаваўчай і ідэалагічнай работы ў новым навучальным годзе.
Метадычныя рэкамендацыі па правядзенні першага ўрока ў 2019/2020 н.г.
