Першы ўрок «Гістарычная памяць - дарога ў будучыню»
1 верасня - гэта святочны дзень для ўсіх школьнікаў. Першы школьны ўрок у новым навучальным годзе быў прысвечаны Году гістарычнай памяці, абвешчанаму ў Беларусі ў 2022 годзе - "Гістарычная памяць - дарога ў будучыню!"
На ўроку васьмікласнікі даведаліся аб вялікіх людзях беларускай зямлі, аб святых месцах ушанавання загінуўшых у гады Вялікай Айчыннай вайны - гэта аб Хатыні, аб героях Брэсцкай крэпасці. Асаблівую ўвагу ўдзялілі генацыду беларускага народа ў гады Вялікай Айчыннай вайны.
Гісторыя Беларусі шматгранная, у нас было шмат трагічных і гераічных старонак у любым гістарычным перыядзе, але нам заўсёды было чым ганарыцца. Найперш тым, што нашы продкі тысячагоддзямі жылі на гэтым геапалітычным скрыжаванні, праз якое пракаціліся тысячы ваенных канфліктаў. Нягледзячы на гэта, мы абаранілі сваё права жыць і развівацца на гэтай Зямлі.
Без ведання мінулага немагчыма паспяховая будучыня. Менавіта таму на дзяржаўным узроўні такая вялікая ўвага надаецца захаванню гістарычнай памяці, гераічнай спадчыны і праўды пра ўсе перыяды жыцця нашага народа. Выхаванне гарманічнай асобы немагчыма без ведання гісторыі краіны, роднага краю. Аб гэтым вёўся дыялог на першым уроку ў гэтым навучальным годзе.
